Қамау

Қамау - ҚР ҚК-нің 30-бабына сәйкес қылмыс жасаған адамдар жауапты деп табылғанда қолданылатын негізгі жазалардың бірі болып есептеледі.

Қамау деп сотталғанды  қоғамнан қатаң оқшаулау жағдайында белгіленген барлық жазалау мерзіміне (бір айдан алты айға дейін) ұстауды айтады. Егер де қоғамдық жұмысқа  тартуды, түзеу жұмыстарына немесе   айып төлеуді қамауға  ауыстырғанда, онда ол бір айға дейінгі  мерзімге белгіленуі мүмкін.

Қамауға алуға сотталғандар, сотталған жерінде,  басқа адамдардан оқшауланған, күзетілетін қамау үйлерінде  жазаны өтейді. Егер, әйелдер,  кәмелетке толмағандар, бұрын бас бостандығынан айыру мекемелерінде жаза атқарғандар мен сотты  болғандар бөлек-бөлек орналастырылады.

Сотталғандарға түрмеде жалпы режим жағдайында  бас бостандығынан айыруды өтеуші адамдар үшін осы Кодексте белгіленген  ұстау жағдайлары қолданылады. Оларға  адвокаттармен және басқа адамдармен  кездесуіне болмайды, посыка,  сәлемдеме,  бандерольдер алуға  рұқсат етілмейді, сотталғандарды  оқытуға болмайды,  күзетсіз жүрулеріне рұқсат етілмейді (ҚР ҚАК – нің 64 – бабы).

Жазаны өтеу тәртібін бұзған қамауға сотталғандарға сөгіс жариялау немесе он тәулікке дейін  дейін айып қапасына жабу сияқты жазалар қодданылуы мүмкін.

Сотталғандарға  жақсы мінез-құлқы  үшін алғыс айту, бұрын салынған жазаны  мезгілінен ерте алу, телефонмен сөйлесуге  рұқсат ету сияқты  мадақтау шаралары қолданылады.

Қамауға сотталғандарды материалдық-тұрмыстық  жағдайлармен қамтамасыз ету,  түрмеде жалпы режимді өтеп  жүрген адамдарға  белгіленген шараларға сай,  ал кәмелетке толмағандар үшін  тәрбиелеу колонияларына белгіленген норомаларға сәйкес іске асырылады.