Ақышев Нұрдәулет (1950) жазушы

Танымал қазақ жазушысы, журналист Нұрдәулет Ақышев Шығыс Қазақстан облысы, Тарбағатай ауданы, Маңырақ ауылында 1950 жылы 15 маусымда дүниеге келген. 1968 жылы ауылдық клубтың меңгерушісі болды. Абай атындағы Алматы мемлекеттік университетінің филология факультетін бітірген (1973). әскер қатарында  міндетін өтегеннен кейін  Республикалық «Мектеп», «Жалын»,  «Балауса» кітап баспаларында, «Қазақ әдебиеті», «Жұлдыз», «Қазақстан мұғалімі», «Халық кеңесі», «Заң», газет-журнал редакцияларында әр түрлі қызметтер атқарады. Алғашқы әңгімелер жинағы  «Қияда» 1972 жылы басылып шықты. 1980 жылы «Жалын» баспасынан «Жұмбақ іздер» кітабы шығарылды.

1982-1990 жылдары «Үндемейтін ұл», «Қияннан келген көгершін», «Сынық домбыраның сазы», «Күрмеуі қатты түйіндер», «Таң алдындағы дабыл», «Жатақхана қыздары» кітаптары жарық көрді. Қызық оқиғалы повесі «Жұмбақ  іздер» толығымен «Дружные ребята» газетінде  1987 жылы орыс тілінде басылды.

Нұрдәулет Ақышев – Журналистер Одағының, Қазақстан Журналистер Одағының мүшесі, Республикалық «Жігер» фестивалінің, Жамбыл атындағы халықаралық сыйлықтың лауреаты. Қазіргі уақытта «Білім-Образование» Республикалық ғылыми-педагогикалық журналының аға редакторы.