Жұбайлар жыры - құттықтау
Жұбайлар жыры
Жұбайлар жырыСөзі мен әні: М.Шахановтікі
Қуаныш пен бақыттан мүсіндеген,
Келбетіңнен сенімнің күшін көрем.
Сен сияқты мені ешкім еркелетіп,
Сен сияқты мені ешкім түсінбеген.
Қайырмасы:
Асыл жарым,
Жайқалған жасыл бағым,
Бағаласаң бақытыңмын,
Сағынсаң қасыңдамын.
Арманды дара қумаймыз,
Құстың қос қанатындаймыз.
Жүректе от жанып,
Тауларды бетке алып,
Бірге ұшып барамыз болашаққа.
Сен бар жерде керегем кең сияқты,
Кең сияқты, терезем тең сияқты,
Ешкім мені дәл сендей өкпелетіп,
Жұбата да алмаған сен сияқты.
Қайырмасы.
Шаттығымның бастауын сенен көрдім,
Сенен көрсем қалайша төмендермін.
Енді сәулем, бәрі де әділетсіз,
Бізді бақсыз, бақытсыз дегендердің.
Қайырмасы.
Ән - көңілдің ажары » Той әндері »