Бақыт құшағында - құттықтау

Бақыт құшағында

әні Шәмші Қалдаяқовтікі
сөзі Тұман Модағалиевтікі
Көзіңнен бір ұшқын,
Ұшты ма білмедім.
Әйтеуір нұр құштым,
Әйтеуір гүлдедім.
Көктемнің бұлбұлы,
Кеудеме қонады.
Құшаққа қыр гүлі,
Толғандай болады.
 
Қайырмасы:
 
Кел билейік, кетпе менің қасымнан,
Қызғалдағым таң нұрымен ашылған.
Сезім шіркін ақ жаңбырға ұқсайды,
Алматыда жаңа жауып, жаңа жауып басылған.
 
Әнбісің төгілген,
Жырмысың армандай.
Бір бақыт көрінген,
Жақындап қалғандай.
Жанарың ұшқыны,
Жүректе жанады.
Қолыңның ыстығы,
Қолымда қалады.
 
Қайырмасы:
 
Мен бүгін бұлақпын,
Ілгері жүгірген.
Бір нәзік шуақпын,
Жаныңа үзілген.
Сүйемін мен күнді,
Көңілді, жалынды.
Сен биле еркімді,
Әлдиле жанымды.
 
Қайырмасы:
Шәмші әндері » Соңғы қосылған дүниелер »