Сезім әуендері /қосқан Ғабиден Қожахмет Қызыордадан - құттықтау

Сезім әуендері /қосқан Ғабиден Қожахмет Қызыордадан

Сезiм әуендерi Естiледi дара даусы тұлпардың, Көкжиектен сенiммен қол бұлғар күн. Өшпес мұра болып қалды-ау әндерi, Алпысыншы-жетпiсiншi жылдардың. Сезiледi сол жылдардың бал демi, Өнер ғана жұртшылықтың сәнгерi. Ескiрмейдi қанша жылдар өтсе де, Шәмшi менен Әбiлахат әндерi. Қалқатайын ай мен күнге теңеген, Тазалықтың жаршысы деп сенер ем. Қыз-жiгiттi сол дәуiрдiң әндерi, Шын махаббат бесiгiне бөлеген. Шырқалса әуен,сезiм ендi еленбек, Кеуделерге қонар нәзiк өлең кеп. "Келем деп ең кешiкпей" деп нар жiгiт, Сүйiктiсiн әнге қосты елеңдеп. Жасағандай әннен сезiм-тiзбектi, Жүректер де арманнан қол үзбептi. Қайықтарға ғашықтарын мiнгiзiп, Жiгiттерге Сыр сұлуын iздеттi. Айтамын ба көңiл сырын даралап, Кеттi әсем ән Жайық бойын жағалап. Алаңдатты Арыс жаққа ал бiрде, Сол жағада қалғандай боп дара бақ. Сүйген адам жанардан сыр оқыр-ды, Деп ғашықтар әнмен таңды атырды. "Кел,билейiк,кетпешi,-деп,-қасымнан", Батыл жiгiт бойжеткенiн шақырды. Қиялменен биiктерге самғады, Қарсы алдырып ұйқысыз ақ таңдарды. Түн жамылтып айсыз,ашық аспанда, Сырластырды жүрегi бiр жандарды. Өртенгендей махаббаттың гүл бағы, Қыз-қалқатай уәдеде тұрмады. Басқа үйдiң шамын кейде жаққызып, Баянсыз бiр махаббатты жырлады. Қол алысып серт етiскен төзiмдей, Байқалады ол кiршiксiз ақ сезiмдей. Әуенiнде жетпiсiншi жылдардың, Тазалық бар махаббаттың өзiндей. Көрiнген соң әнiменен әдемi, Аталдық па өзгелерге ән елi. Шырқалады әлi күнгi кештерде, Сол жылдардың жүрек шертер әуенi. Естiледi дара даусы тұлпардың, Көкжиектен сенiммен қол бұлғар күн. Өшпес мұра болып қалды-ау халқына, Әуендерi жетпiсiншi жылдардың.    Агент-әуен.Әзiл (Ш.Қалдәяқовтың "Сыр сұлуы" әнімен) Mail-дан почта ашылушы еді, Есімде пароль сөздері. Бір ару соған асығушы еді, Нұр шашқан қара көздері. Қ-сы: Суретіңе миріңдегі, Кім қарап сүйінбеді. Өзіңді көрген жандар айналсын. Агентті бір қосайық, Сезіммен сырласайық. Қайран сол,агент аруы,қайдасың? Жігіттің бәрі сол қызды мақтап, Дружба соған жіберер. Жаны да соның ақ бұлттай аппақ, Сұлулық іште-біле бер. Қ-сы: Суретіңе миріңдегі, Кім қарап сүйінбеді. Өзіңді көрген жандар айналсын. Агентті бір қосайық, Сезіммен сырласайық. Қайран сол,агент аруы,қайдасың?
(С.Мұхамеджановтың "Қырманға кел,қалқатай" әнімен) Бермей-ақ қой орамал кестелеген, Сендей қызды онсыз да ескерер ем. Жауабыңды блокқа жазып кетші, Агентке шығамын кешке деген. Қ-сы: Сені көріп қуанып, Қыз жаныңды ұғалық. Қалаға кел,қалқатай, Жұмысыңнан сұранып. Махаббатсыз өмірдің бар ма мәні? Сөздің жақсы айтылмай қалмағаны. Бұлаңдамай ауылдан,қалаға кел, Агенттен сәлемді жолда-дағы. Қ-сы: Сені көріп қуанып, Қыз жаныңды ұғалық. Қалаға кел,қалқатай, Жұмысыңнан сұранып.
(М.Шахановтың "Гүлдәурен" әнімен) Агенттің арнасында, Шалқып мөлдір сезімменен. Сол бір айдың ортасында, Танысып ем өзіңменен. Қ-сы: Көңіл,шіркін,құлады да, Сездім махаббатымды. Агенттің блогына, Жаздым талай атыңды. Мекенің де жырақ сенің, Жаттығы жоқ қаланың да. Суретіңде бірақ сенің, Мұң бар еді жанарыңда. Қ-сы: Көңіл,шіркін,құлады да, Сездім махаббатымды. Агенттің блогына, Жаздым талай атыңды. Агент-көңіл арамызда, Хаттар болып ұшады да. Сапарлап қайт қаламызға, Мініп сезім ұшағына. Қ-сы: Көңіл,шіркін,құлады да, Сездім махаббатымды. Агенттің блогына, Жаздым талай атыңды.
(С.Мұхамеджановтың "Тербеледі тың дала" әнімен) Агент бетін әсем әуен тербейді, Қыздар мұнда жігіттерге сенбейді. Ал жігіттер жүректері лүпілдеп, Көкірегін ғашық оты кернейді. Қ-сы: Агент беті- "Мой мир" қандай тамаша! Екі ғашық хат жазысып,сырласады оңаша. Жүрек толқып,қыз ақыры сенеді, Кездесуге келісімін береді. Жолығатын жерді таңдар өздері, Жігітке де осы еді ғой керегі. Қ-сы: Махаббаттың желпігендей самалы, Блоктардың,блоктардың оты лаулап жанады. Блоктардың оты лаулап жанады, Жігіт қыздың көңілін шын табады. Жігіт айтқан анекдотқа күлімдеп, Жадырайды бойжеткеннің қабағы. Қ-сы: Агент беті- "Мой мир" қандай тамаша! Екі ғашық хат жазысып,сырласады оңаша.
("Досмұқасанның" "Алматы түні" әуенімен) Логиндер біткен жымыңдап, Ән салып жатқан секілді. Жүректен жүрек сыр ұрлап, Тамсанып жатқан секілді. Қ-сы: Агент түні,агент түні, Ұйқысын жұрттың ұрлады. Агент түні,агент түні, Айтылар ғашық сырлары. Жүрекке жүрек жақындап, Асық боп жатқан секілді. Сырласқан жандар лапылдап, Ғашық боп жатқан секілді. Қ-сы: Агент түні,агент түні, Ұйқысын жұрттың ұрлады. Агент түні,агент түні, Айтылар ғашық сырлары.
Қыз сөзі("Су тасушы қыз" әнімен) Агент жанымыздан,ей, табылады, Жүрегім махаббатқа бағынады. Қазақтың қарапайым бір қызымын, Өмірден кездеспеген жарым әлі. Қ-сы: Хабар күтіп алыстан, Жігіттермен танысқам. Тұрмыс құрар жастамын, Сөздің ұғам астарын, Хат жазыңдар,достарым. Жанынан жамандардың,ей, табылмаймын, Өзім де жат қылықпен танылмаймын. Дружба жіберсеңдер,сері жігіт, Ішінен таңдап-таңдап қабылдаймын. Қ-сы: Хабар күтіп алыстан, Жігіттермен танысқам. Тұрмыс құрар жастамын, Сөздің ұғам астарын, Хат жазыңдар,достарым. Аларда контактге,ей,ойланамын, Болашақ жар бағына айналамын. Егер де ұзатылып бара жатсам, Шақырам мына жұрттың тойға бәрін. Қ-сы: Хабар күтіп алыстан, Жігіттермен танысқам. Тұрмыс құрар жастамын, Сөздің ұғам астарын, Хат жазыңдар,достарым. авторы: Ғабиден ҚОЖАХМЕТ, Қызылорда қаласы
Метки к статье: агент туралы әзіл өлеңдер

SMS хаттар » Әзіл тілектер » Ән - көңілдің ажары » Соңғы қосылған дүниелер »