Қадірлі ұстаздар! Мен сіздерді келе жатқан т

Қадірлі ұстаздар! 

Мен сіздерді келе жатқан төл мерекелеріңізбен құттықтаймын! Білімнің күші құдіретті. Ол бар жерде үздіксіз даму үрдісі жүреді. білім мен ғылым арқылы өркениет дамып, мәдениет гүлденеді. Білім арқылы адам баласы өмірдегі өз орнын табады.

Ұстаз - келер күннің ұстасы. Балалардың қалыптасып келе жатқан дүниетанымының, өмірге деген көзқарасының иесі. Біздердің бүгінгі болмысымыз әліппені жаттатқызып, қолға қалам ұстатқан кешегі ұстаздарымыздың еңбегі. Ендеше, ұрпағымыздың ертең қандай адам болып өсетіні - мұғалімдердің бүгінгі еңбегінің жемісі болмақ.

«Ұлттың ұлағаты - мәдениетте, мәдениеттің ұлағаты - оқу мен әдебиетте», - деген екен Ахмет Байтұрсынұлы. 

Ұстаз - осы білімге, мәдениет пен әдебиетке жетелейтін бірден бір тұлға. Ұрпақ тәрбиесінде мұғалімнің таланты, біліктілігі және жауапкершілігі, адами қасиеттері өте маңызды рөл ойнайды, өйткені ол – шәкірт үшін айна сияқты. Ұстазы жақсының шәкірті үздік. Бұл - айнымас аксиома. Бала білімді өз бетінше кітаптан оқып та үйрене алады, ал бірақ тәрбиені өз бетінше ала алмайды, өнеге мен үлгі, құрмет сияқты ізгі қасиеттер – ата-анадан қан арқылы дарыса, ұстаздан тәлім арқылы жұғады. 

Ұстаздар – мемлекет пен қоғам арасындағы алтын көпір тәріздес. Мемлекеттің идеологиясы, қоғамның дәстүрі мен құндылықтары, адамзаттың асыл қасиеттері, ғылым мен өнердің мұралары ұстаздар арқылы ұрпақтан-ұрпаққа жол тартады. Ертеңгі мемлекеттің болмысы – ұстаздың бүгінгі тәлімінде.

Дорогие учителя!

Поздравляю вас с наступающим праздником.

Знание – сила. Есть знания – есть рост культуры экономики. Через знания человечество находит свое место в жизни.

Учитель – кузнец новых поколений. Обучает детей познанию мира, духовному росту. Впервые дети берут азбуку в руки и учатся и от того какой учитель – зависит наше общество.

Национальная гордость – культуре, гордость культуры – учеба и литература говорил А.Байтурсынов.

Учитель – дающий знания культуры, литературы. Воспитание подрастающего поколения это ответственность перед обществом. У хорошего ученика – хороший учитель это непреложная аксиома.

Ребенок может самостоятельно научиться читать, а воспитать себя не может, т.к. пример и почет передается от родителей, то от учителя.

Учитель – мост между государством и обществом. Идеология государства и общественная ценность и хорошие черты передаются через учителей.