Әкенің 80-ге келген тойына шақыру /Ғабиден Қожахмет - құттықтау

Әкенің 80-ге келген тойына шақыру /Ғабиден Қожахмет

Қастерлі жан 80-ге келді міне (тойға шақыру) Көрсете алғаннан соң таным-білік, Талай белес бұл жолда алынды нық. Қарты бар үй – қазына: Әкеміз де, Шықты асуға сексенді бағындырып. Қастерлі жан 80-ге келді міне, Шақырамыз сол тойға елді, міне. Әкеміз сүріп өмір мағыналы, Шалдықпай жетті сексен сеңгіріне. Куә боп соны ел де сезінеді, Ұқты әке сыйлайтынын өзін елі. Сондықтан ел-жұртына сауын айтты, Сексеннің биігінде шежірелі. Еске түсіп елмен сан ұғысқаны, Аға – ақылшы, болды іні – тыныс-бағы. Енді бүгін солардың басын қосар, Тойға келсін ағайын, туыс – бәрі! Ойлайтын үлкендер бар жастар қамын, Арнайды тойға лебіз достар да әнін. Құда-жекжат, нағашы, жиен – бәрі, Сезінсін осы шаттық дастарханын! Артады әке бүгін де сенімді елге, Бұл тойың болады ортақ сезінгенге. Қоссын басын шаттықта аға-жеңге, Келсін тойға іні мен келіндер де! Жырласын ел көңілі марқайғасын, Шаттық толы кеуделер қартаймасын! Ағыл-тегіл тілекке толып орта, Қуаныштың қазаны ортаймасын! Жүректерден сырыңды ақтарғайсың, Суырыла көрінер топтан қайсың. 80-інде әкейдің тойына деп, Тойлы ауылды, тілекші ел, бетке алғайсың! Келсін бала үлкенге ілесіп ап, Ол да бүгін тілеуін тілесін ақ. Кел, ағайын, бұл тойдан мәнді өмірдің Қайтпаққа мағыналы үлесін ап. Ғабиден Қожахмет      
Дәстүрлі тойларға » Тойға шақыру »