Наурыз әзіл әні - құттықтау

Наурыз әзіл әні

     Сөзін жазған Оразақын Асқар
                    Музыкасын жазған Қосан Үбірғалиев
 
Жігіт: - Сізді көріп сермеді жыр құлашын,
              Кеудемде бір қамданып тұрды лашын.
              Наурызда жөн сұрау айып емес,
              Амансың ба? Атың кім Құрбыласым!
 
Қыз: -    Жыр дегенің әнің бе жер тепкізген,
              Жөн сұрайтын бар ма адам еркек бізден.
              Жас кезінде атам ат сұрамай-ақ,
              Сыйлық беріп әжемді селт еткізген.
 
Жігіт: -  Не десең де теңсіңдер, еріктерің,
               Сый жинауға алаңға келіп пе едің?
               Өйтетіндей ескеріп ерте тұрып,
               Өзің маған «Ұйқыашар» беріп пе едің?
 
Қыз: -    Бейтанысқа біз қашан «таян» дедік,
              Қозы келсе болар ма Баян да ерік.
              Ұйқың әлі, жігітім, ашлымаса,
              Тұрмын ба мен түсіңде аян беріп?!
 
Жігіт: -  Ағаттығым болды-ау бұл бір істеген,
               Ендігіде жөніммен дұрыс келем.
               Наурыздың, құрбылас, құтты болсын,
               Танысармыз «бір көрген біліс» - деген...



Наурыз сценарийі » Соңғы қосылған дүниелер »