Қазақ қызы - құттықтау

Қазақ қызы

 Өлеңі – Исраил Сапарбаевтікі
Әні - Рамазан Таймановтікі
Мен қазақ қыздарына қайран қалам,
Жанары жаны жаздай жайраңдаған.
“Қыз өссе, елдің көркі” деген сөзді,
Қапысыз қалай айтқан қайран бабам.
 
Намысын бермеу үшін жатқа қолдан,
Арулар аз болды ма атқа қонған.
Көңілде қалған сыз бар өткен күннен...
Өмірде қалған із бар “Ақтабаннан”.
 
Жасырмай айтар болсам жан сырымды,
Тағдырым қарауылға қанша ілінді.
Ерліктің қос қанаты деп білем мен,
Аяулы Әлия мен Мәншүгімді.
 
Сүймеген сені азамат азамат па,
Көңілің тәрізді аппақ таза мақта.
Бәрін айт, бірін айт та ылайықсың,
Қазақтың қызы деген ғажап атқа.
Ән - көңілдің ажары » Той әндері »