Кешір Ана - құттықтау

Кешір Ана

 Өлеңін жазған – Ш.Сариев
 Әнін жазған – Т.Мұхамеджанов
Анадан жаралған ғой дана біткен,
Биіктен өз баласын ана күткен.
Біздерді кешір, ана, түсінбесек,
Еркелеп сәби, жастық, балалықпен.
Біздерді кешір, ана, түсінбесек,
Еркелеп сәби, жастық, балалықпен.
 
Сағынтып тағдыр жазбай табысуға,
Өмірдің бәйге жүйрік жарасында.
Біздерді кешір, ана, сәл мұңайтсақ,
Өзендей өмір толқын ағысында.
Біздерді кешір, ана, сәл мұңайтсақ,
Өзендей өмір толқын ағысында.
 
Біз өмір маңдайына сыямыз ба,
Туған жер – анамызды қиямыз ба.
Біздерді кешір, ана, құстарыңды,
Оралмай кете барсақ ұямызға.
Біздерді кешір, ана, құстарыңды,
Оралмай кете барсақ ұямызға.

Ән - көңілдің ажары » Ана туралы »