Қайсысы тартымды? тағы да Байлық пен Кедейлік туралы/ аударған Амангелді Маукенов - құттықтау

Қайсысы тартымды? тағы да Байлық пен Кедейлік туралы/ аударған Амангелді Маукенов

Кедейлік пен Байлық бір кісіге келіп:
-       Екеуміздің қайсымыз тартымдымыз,-деп сұрапты.
Бұл сұрақтан әлгі кісі абыржып ойға қалыпты: «Кедейлікті тартымдырақ десем, Байлық ашуланып маған қолын бір-ақ сілтейді», ал Байлықты тартымды дейін десем, Кедейлікті ренжітіп алам, ол сосын менің зықымды шығарады ғой».
            Аз-кем ойланып,  былай депті:
-               Екеуің тап осылай қатарласып тік тұрғанда мен ештеңе айта алмаймын. Қане,  жүріс-тұрыстарыңды көрейін, бір айналып өтіңдерші.  
Кедейлік пен Байлық ерсілі-қарсылы жүре бастапты.
            Оларға қарап тұрып адамның айтқаны:
-       Кедейлік сен кетіп бара жатқанда, ту сыртыңнан қарасам, қандай тамашасың.
Ал Байлық, сен келгенде... өзіңнен асатын не бар!?
            Бүгін Байлық есігімізді келіп қағып тұрған күн, оған есіктеріңді айқара ашыңдар да, Кедейлік пен таршылыққа қол бұлғап  қош айтысыңдар.  

Өсиет » Соңғы қосылған дүниелер »