ЖАРАМАЗАН

Меккеде бір ағаш бар басын иген,

Жайқалып жапырағы жерге тиген.

Осы үйде бір ағам бар Құдай сүйген,

Қайыры ол кісінің жұртқа тиген.

Ақ қораз, қызыл қораз қырман шашар,

Осы үйде бір жеңгем бар бар теңге шашар.

Жеңеше-ау, шашпай-ақ қой, қолыма бер,

Қу балалар қасымдағы ала ұшар.

Айтамыз жарамазан ауылыңа,

Таудай қып тайлақ мінген қауымыңа.

Жігіттер, намаз оқы, ораза тұт,

Пейіштің қолың жетер қауынына.